Franziska Froschermeier vom Instagram-Kanal @heimatliebe.holledau stellt euch bei FRANNS monatlich Worte aus dem Holledauer Dialekt vor.
Dieses Mal: Körperteile
An Belle hod a jeder, de oana an greßan und de andern an gleanan. Bloß a Plattn hod ned a jeder. An Zinken hom a vui, oba de woin des eigentlich ned hern. Zum hern muasma seine Luser aufsperrn, und do brauchtma wiederum a Ohrwaschl. Oft is a gscheider wennma sei Babbn hoit, wennma wos hern wui. Damal drahn konst a ned wennst wo zualusen wuist. Im Wirtshaus kons da amoi bassiern, dass da oana an d‘Gurgl geht, wennst eam an Bleschl zoagst. Manche dadn oam do am liabstn glei an Grong umdrahn. Wennst an Streit vermeiden wuist, dann sogst am besten ned, dass oana sei Wampn eiziang soi. Und a ned, dass oana koane Wadl hod. Des is bei uns mindestens genauso a große Beleidigung! Zu am gscheidn Haxn ghert hoid amoi a gscheids Wadl dazua. Im Winter frierts oan a diermoi in de Gluppal, dann muasma si seine Bratzn aufwärma. Wennst des etz ois verstanden host, dann bist wahrscheinlich a echter Holledauer!
Instagram-Kanal besuchen: www.instagram.com/heimatliebe.holledau
