Franziska Froschermeier vom Instagram-Kanal @heimatliebe.holledau stellt euch bei FRANNS monatlich Worte aus dem Holledauer Dialekt vor.
Dieses Mal: Vornamen
Jungs:
Da Muck, da Schos und da Bare – oba wie hoasn de drei eigentlich wirklich? Also ned mit Spitznamen, sondern mit richtigem Vornamen? Dass da Schos eigentlich da Georg is wissen no de meisten. Oba bei manche Spitznamen is der eigentliche Nam goned so oafach herauszumfinden. No komplizierter werd des ganze, wenn in oana Familie glei mehrere den gleichen Namen hom. Do gibt‘s dann zum Beispui an Schos (des is dann meistens da Bap) und an Schose (des is meistens da Bua). Bei manche Schoses geht‘s dann a aso naus, dass de erna Leben lang Schose hoassn, a wenn‘s eigentlich koane gloana Buam mehr san, sondern scho gstandene Mannsbilder. Aber a bissal an Unterschied muasma scho kenna. Auf jeden Fall find i persönlich de traditionellen Namen bsonders schee und gfrei mi, dass de grod a wieder modern san. Da Bare is übrigens da Rupert und im Muck seim Ausweis steht Remigius drin.
Mädels:
Heut gibt‘s mal wieder a gloane Namen-Raterunde. Desmoi allerdings mit lauter Namen für Holledauer Deandla. Wobei’s de natürlich a im Rest vo Bayern gibt. I bin gspannt, ob ihr auf Anhieb wissts, welche Vornamen si hinter dene Rufnamen versteckan. Vielleicht kennts ihr ja sogar a gloane Nandl, Beppa oder Loni. De traditionellen Namen san ja momentan wieder sehr beliebt, wos mi natürlich bsonders gfreit! So a gloane Nandl is doch a Grund zur Freud, findts ned? Und auf‘m Ausweis macht si Anna, Josepha und Apollonia find i a ganz guad.
Instagram-Kanal besuchen: www.instagram.com/heimatliebe.holledau